सुरत/मुंबई : सरदार वल्लभभाई पटेल यांच्या जयंती निमित्त दिंडोली (सूरत) येथील कार्यालयात ३१ ऑक्टोबर २०२० रोजी आयोजित केलेल्या एका भव्य कार्यक्रमात  अभिनेता रंगशाही यांना संस्थेचे गुजरात प्रदेशाध्यक्ष दिलीपभाई एन. पटेल यांच्या हस्ते सन्मानित करण्यात आले. मनोरंजन क्षेत्रात उल्लेखनीय कामगिरीबद्दल रंगशाही यांना ट्रॉफी आणि सन्मानपत्र देऊन गौरविण्यात आले. याप्रसंगी गुजरात प्रदेश उपाध्यक्ष एच एम पटेल, महाराष्ट्र प्रदेश अध्यक्ष हर्षद मकवाना,खजांची ललित जैन, ट्रस्टी केतनभाई चुनावाला, दिनेश वाढेर वगैरेंनी उपस्थित राहून कार्यक्रमाची शोभा वाढवली.

अभिनेता रंगशाही हे मध्य प्रदेशातील इंदौर येथील रहिवासी आहेत. प्रसिद्ध दिग्दर्शक अनिल शर्मा यांचे भाऊ अनुज शर्मा यांनी आपल्या ‘इश्क जुनून- दी हीट इज ऑन' या चित्रपटात दोन हीरो घेतले होते. यातील एक हीरो रंगशाही होते. हा चित्रपट खूपच यशस्वी झाला होता आणि निर्मात्यांना रंगशाही यांचे काम खूपच आवडले होते. यामुळेच निर्माते अनुज शर्मा यांनी आपल्या ‘शांतकेतन एन्टरटेन्मेंट’ या बॅनर अंतर्गत बनत असलेल्या आगामी चित्रपटासाठीही अभिनेता रंगशाही यांना प्रमुख अभिनेता म्हणून साईन केले आहे. याशिवाय रंगशाही यांनी आतापर्यंत अनेक जाहिरातपटां मध्येही काम केले आहे. नुकताच त्यांनी साऊथमधील एक चित्रपटही पूर्ण केला आहे. लवकरच तो प्रदर्शित होणार आहे. रंगशाही मध्य प्रदेशातील इंदौर येथे राहणारे असून तेथील माजी डीएसपी अशोक रंगशाही यांचे ते पुत्र आहेत. याप्रसंगी रंगशाही यांनी संस्थेचे अध्यक्ष दिलीपभाई एन. पटेल यांना तसेच त्यांच्या संस्थेच्या पदाधिकार्‍यांना धन्यवाद दिले.