रिक्षा चालक मालक सेनेच्या कार्यकर्त्यांचा मनसेत जाहिर प्रवेश
- by Adarsh Maharashtra
- Oct 17, 2020
- 1468 views
मुलुंड :(शेखर भोसले) महाराष्ट्र नवनिर्माण सेनेचे अध्यक्ष राज ठाकरे यांच्या आशीर्वादाने आणि जगदीश खांडेकर आणि श्रीमंत टेंगळे यांच्या विशेष पुढाकाराने मानखुर्द शिवाजी नगर विभागात रिक्षा चालक मालक सेनेच्या कार्यकर्त्यांनी महाराष्ट्र नवनिर्माण सेनेमध्ये जाहीर पक्ष प्रवेश केला असून यापुढे महाराष्ट्र नवनिर्माण वाहतूक सेनेच्या मार्फत पक्ष बांधणी करून पक्ष संघटना व वाहतूक सेना मजबूत करण्याचे या कार्यकर्त्यांनी ठरविले आहे.
मानखुर्द शिवाजीनगर विधानसभेतील रिक्षा चालक मालक सेनेच्या कार्यकर्त्यांनी मनसेमध्ये प्रवेश केला असून लवकरच आवश्यक ती सर्व कागदपत्रांची पूर्तता करून तसेच प्रशासनाची परवानगी घेऊन महाराष्ट्र नवनिर्माण वाहतूक सेनेचे स्टँड या विभागात उभारले जाणार असल्याचे समजते.
मानखुर्द शिवाजीनगर विभागात, मनसेमध्ये इतर पक्षाच्या कार्यकर्त्यांचा प्रवेश होणे हा राज ठाकरे यांचा आशीर्वाद आणि करिश्मा असून मनसे वाहतूक सेनेचे अध्यक्ष संजय नाईक आणि सरचिटणीस आरिफ शेख यांचे कर्तृत्व तसेच मनसे उपाध्यक्ष सतीश नारकर, मानखुर्द शिवाजीनगर विभाग अध्यक्ष संदीप चव्हाण, जगदीश खांडेकर आणि श्रीमंत टेंगळे यांच्या विशेष प्रयत्नांमुळे हे शक्य झाले असून विभागातील असंख्य महाराष्ट्र सैनिकांच्या मेहनतीचे हे फळ आहे. भविष्यात अश्याच प्रकारे इतर पक्षीय कार्यकर्त्यांचा प्रवेश महाराष्ट्र नवनिर्माण वाहतूक सेनेत केला जाणार असून या माध्यमातून पक्षबांधणी करून मनसे पक्ष बळकट करण्याचा प्रयत्न केला जाणार असल्याचे मनसे पदाधिकारी जगदीश खांडेकर आणि श्रीमंत टेंगळे यांनी यासंदर्भात प्रतिक्रिया देताना सांगितले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम